LEIKSKÓLAR
Í Reykjanesbæ eru nú reknir 9 leikskólar og er sá 10. í bígerð.
Hver skóli hefur eigin uppeldisstefnu og stefnt er að því að öll börn 2ja ára og eldri eigi vísa leikskólavist.
Skoða leikskóla í Reykjanesbæ

Frístundaskólinn
Vinnuskólinn
Fjölbrautaskóli Suðurnesja
Tónlistarskóli Reykjanesbæjar
Íþróttaakademían í Reykjanesbæ
Keilir, miðstöð fræða og vísinda
Miðstöð símenntunar á Suðurnesjum

ÍÞRÓTTAAKADEMÍAN
Íþróttaakademían býður aukinn valkost til menntunar í Reykjanesbæ.
Tenging Akademíunnar við Fjölbrautaskóla Suðurnesja gefur fyrirheit um vöxt og framgang Akademíunnar á næstu árum.

• Samstarf við Háskólann í Reykjavík verður aukið á sviði háskólamenntunar, m.a. á sviði heilsuþjónustu, iðngreina og íþróttafræða.
Meistaranám í íþróttafræðum verði hafið.

NÝR FRAMHALDSSKÓLI
Huga þarf að framtíð framhaldsnáms á Suðurnesjum.

• Unnið verður að undirbúningi nýs framhaldsskóla í Reykjanesbæ sem áhugavert væri að tengja vísindum, íþróttum og listum. Tekin verður ákvörðun um staðsetningu í samvinnu við menntamálaráðuneytið.

MIÐSTÖÐ SÍMENNTUNAR
Aðstaða til fjarnáms batnaði til muna með tilkomu húsnæðis Íþróttaakademíunnar.

• Möguleikar til frekara fjarnáms á sviði háskólamenntunar verða áfram skoðaðir.

 „HLJÓMAHÖLLIN" : TÓNLISTARSKÓLI OG RÁÐSTEFNUMIÐSTÖÐ
Þróun hugbúnaðar, hugmynda og hugverka er mikilvæg auðlind til verðmæta- og atvinnusköpunar á Íslandi. Menntun, menning og afþreying eru birtingarform sem skapa atvinnu og fullnægju í hverju samfélagi.

Bæjarfélag sem hýsir vöggu íslenskrar popp- og rokkmenningar, þar sem tónlistarkennsla er í hávegum höfð, þar sem er hlið ferðamanna inn í landið, kallar á virkjun sköpunargleðinnar.

Tónlist hefur í marga áratugi verið flaggskip menningarlífs Reykjanesbæjar. Tónlistarskóli Reykjanesbæjar hefur verið í forystu þegar kemur að kennsluháttum og þjónustu við grunn- og framhaldsskólanemendur auk annarra íbúa bæjarfélagsins sem vilja stunda tónlistarnám.

• Tónlistarskóli Reykjanesbæjar mun flytja í nýtt og glæsilegt húsnæði.
• Með okkar öfluga starfsfólki og stuðningi færustu Íslendinga á sínu sviði viljum við skapa hér aðstöðu til háskólamenntunar á sviði tónlistar.
• Með hugmynd um Hljómahöll sem miðju tónlistarkennslu, tónlistarkynninga og varðveislu popp- og rokktónlistarsögu Íslendinga er lagður grunnur að auknum atvinnutækifærum Íslendinga í sköpunar- og afþreyingariðnaði.
• Áhersla verður lögð á að gera aðstöðu Hljómahallarinnar að aðdráttarafli fyrir innlenda og erlenda áhugamenn um tónlist.
• Með tengingu Tónlistarskóla og sýningaaðstöðu við félagsheimilið Stapa, skapast frábær aðstaða fyrir hentuga og glæsilega tónlistar- og ráðstefnumiðstöð.
• Í Hljómahöllinni mun Poppminjasafn Íslands hafa höfuðstöðvar en kjarninn byggir á tónlistarmenntun sem stjórnað er frá nýjum höfuðstöðvum Tónlistarskólans sem þar verða.
• Tenging við Stapann og Tónlistarskólann, skapar hagkvæma möguleika á að opna húsið fyrir meðalstórar ráðstefnur þegar á þarf að halda, eða nýta það allt til tónleika eða sýningahalds.
• Á öðrum tímum nýtist það með afmarkaðri hætti fyrir tónlistarskólann.
• Hægt verður að reka félagsheimilið Stapa áfram í núverandi mynd þar sem bæjarbúar geta komið saman á góðri stund.

Orðið Hljómahöllin vísar til litrófs og mikilvægis hljóma í menningu heimsins, um leið og Hljómar frá Keflavík eru Bítlar Íslandssögunnar á tónlistarsviðinu og fá verðskuldaða athygli í húsnæðinu.
Með Hljómahöllinni verður sköpuð yfirstjórn sem hafi það að markmiði að:
• Efla tónlistarmenntun og stuðla að nýtingu íslenskrar tónlistar og tengingar við aðra þróun hugbúnaðar, hugmynda og hugverka, sem verðmæta- og atvinnusköpun til framtíðar.
• Að tengja saman starf Tónlistarskólans, veitingarekstur og sýningahald tengt popp- og rokksögu í Hljómahöllinni.
• Að halda í heiðri sögu popp- og rokktónlistar á Íslandi með kynningarstarfi og viðurkenningum til listamanna.
• Að stjórna alþjóðlegum æfingabúðum fyrir hljómsveitir á Keflavíkurflugvelli - með gróðurrækt og umhirðu svæðis að endurgjaldi.

NÝIR LEIKSKÓLAR
Mikil íbúafjölgun kallar á byggingu nýrra leikskóla og stækkun og endurbætur á þeim eldri.
• Á árinu 2007 verður tekinn í notkun leikskólinn Akursel í Innri Njarðvík. Fullbúinn er leikskólinn fyrir 140 börn.
• Þá verður byggður nýr leikskóli við Vesturberg í stað núverandi húsnæðis þar. Opnaður vor 2008.
• Þess verður gætt að leikskólapláss verði í samræmi við fjölgun barna á leikskólaaldri.
• Engin 2 ára börn eða eldri verði á biðlista eftir leikskólaplássi að hausti.

UPPELDI TIL ÁRANGURS
• Skipulega verði skimað fyrir þunglyndi og kvíða hjá unglingum og veitt viðeigandi meðferð og þjálfun. Leitað verður eftir samstarfi við HSS, Námsmatsstofnun og HÍ.
• Reykjanesbær stuðlar að sterkri sjálfsmynd unglinga og heilbrigði þeirra með fræðslu og stuðningi. Þetta verður áhersluatriði okkar fram til ársins 2010 og áfram!
• Leitað verður leiða til að nýta svipaðar aðferðir og SOS verkefnið til að vinna með unglingum og forráðamönnum þeirra, nýtingu heimasíðu og samskiptakerfis.
• Verkefnið verði unnið í samstarfi við FFR, HSS, Námsmatsstofnun og HÍ.

SKILVIRKIR GRUNNSKÓLAR
Reykjanesbær hefur á undanförnum árum lagt áherslu á vandað grunnskólastarf.Framtíðarsýn bæjarins leggur áherslu á að stuðla að heilbrigði og hamingju hvers einstaklings. Í hnotskurn snýr framtíðarsýn okkar í grunnskólanum að eftirfarandi þáttum:

• Að nemendur séu ánægðir í grunnskólanum.
• Að við höfum á að skipa hæfu og ánægðu starfsfólki.
• Að í skólanum bjóðist næringarríkar og góðar máltíðir á hagstæðu verði.
• Að skipulag skólastarfs sé vel unnið frá fyrsta skóladegi.
• Að vinnuumhverfi nemenda og starfsmanna sé öruggt.
• Að viðhald húsnæðis og búnaðar sé gott.
• Að samgönguleiðir að og frá skóla séu öruggar og þægilegar.
• Að virkt upplýsingastreymi sé milli starfsmanna, nemenda, foreldra og stjórnvalda.
• Að vinnuandi sé jákvæður og skapandi.
• Að virkni og jákvæðni foreldra komi fram í skólastarfinu.
• Að virkni og jákvæðni samfélagsins sé gagnvart skólastarfinu.