NPA - Notendastýrð persónuleg aðstoð

NPA er notendastýrð persónuleg aðstoð sem byggir á hugmyndafræði um sjálfstætt líf. Fólk sem notar NPA stýrir sjálft fyrirkomulagi þjónustunnar og ákveður hvaða aðstoð er veitt, hvernig hún er skipulögð, hvenær og hvar hún fer fram og hver veitir hana.

Á ég rétt á NPA þjónustu?

Til þess að eiga rétt á NPA þjónustu þarft þú að uppfylla eftirfarandi skilyrði:

  • Eiga lögheimili í Reykjanesbæ. (Notandi veður að hafa lögheimili í Reykjanesbæ þegar þjónustan hefst og á meðan þjónustu stendur)
  • Vera orðinn 18 ára eða eldri. (Ef undir 18 ára, þá geta forsjáraðilar barns sótt um þjónustuna)
  • Búa sjálfstætt eða í foreldrahúsum
  • Vera með staðfesta fötlunargreiningu
  • Þurfa stuðning í meira en 15 klukkustundir á viku

Ef þú býrð í húsnæði fyrir fatlað fólk getur þú sótt um NPA ef stefnt er að flutningi í sjálfstæða búsetu.

Fólk 67 ára og eldra getur átt rétt á NPA ef fötlun er ekki vegna aldurstengdrar skerðingar.

Hvernig sæki ég um NPA?

Fyrsta skrefið er að bóka viðtal hjá ráðgjafa á velferðarsviði.

Hægt er að bóka viðtal með því að:

  • Hringja í þjónustuver í síma 421 6700
  • Bóka á rafrænt á netinu hér

Nánari upplýsingar um NPA þjónustu má nálgast á eftirfarandi stöðum: