Viðstaddir: Guðný Birna Guðmundsdóttir formaður, Guðni Ívar Guðmundsson, Hafsteinn Hjartarson, Hjörtur Magnús Guðbjartsson og Þóranna Kristín Jónsdóttir.
Að auki sátu fundinn Anna Karen Sigurjónsdóttir sjálfbærnifulltrúi, Silja Kolbrún Skúladóttir fulltrúi ungmennaráðs og Aðalheiður Ósk Gunnarsdóttir ritari.
Athena Júlía Józefudóttir boðaði forföll og sat Hafsteinn Hjartarson fundinn í hennar stað.
Sjálfbærniráð samþykkir að taka málið Aðlögunaraðgerðir vegna loftslagsbreytinga (2022110136) á dagskrá. Fjallað verður um málið undir dagskrárlið 5.
Unnið áfram í undirbúningi næstu kosningaskýrslu sem snýr að bættri kosningaþátttöku. Sjálfbærniráð hefur sent erindi til ungmennaráðs og öldungaráðs Reykjanesbæjar til samráðs.
Anna Karen Sigurjónsdóttir sjálfbærnifulltrúi fór yfir stöðu flokkunar á starfsstöðvum innan Reykjanesbæjar. Ljóst er að flokkun er ekki samræmd milli stofnana Reykjanesbæjar sem þarf að laga þar sem sveitarfélaginu ber lagaleg skylda til flokkunar á sorpi samkvæmt reglugerð um meðhöndlun úrgangs nr. 803/2023 auk laga um meðhöndlun úrgangs nr. 55/2003.
Sjálfbærniráð telur nauðsynlegt að sveitarfélagið tryggi að allar stofnanir Reykjanesbæjar uppfylli kröfur laganna um samræmda flokkun og farið verði í heildarútboð á flokkunarílátum bæði innan- og utanhúss í stofnunum. Málinu er vísað til bæjarráðs.
Áframhaldandi vinna við lýðræðisstefnu.
Anna Karen Sigurjónsdóttir sjálfbærnifulltrúi fór yfir stöðu þeirra verkefna sem eru í gangi.
Anna Karen Sigurjónsdóttir sjálfbærnifulltrúi gerði grein fyrir stöðu styrkumsóknar til LIFE-ICENAP vegna innleiðingar aðlögunaráætlunar Íslands vegna loftslagsbreytinga.
Fleira ekki gert og fundi slitið kl. 9:50. Fundargerðin fer til afgreiðslu bæjarstjórnar 4. mars 2025.
Tjarnargötu 12 | 230 Reykjanesbæ | Sími: 421 6700
reykjanesbaer@reykjanesbaer.is | Kt. 470794-2169
Opnunartími: kl. 9:00 – 15:00 mán.-fös.
