Ef börn og fjölskyldur þurfa aðstoð vegna félagslegra aðstæðna, skertrar getu, álags, veikinda eða fötlunar geta þau fengið stuðning frá Reykjanesbæ. Stuðningsþörfin fer eftir aðstæðum, aldri og þroska og er metin í félagslegri ráðgjöf skv. reglum.

Hægt er að bóka viðtal hjá ráðgjafa með því að:

• Bóka á vefnum
• Hringja í þjónustuver í síma 421 6700

senda tölvupóst á reykjanesbaer@reykjanesbaer.is

Stuðningsþjónusta við börn og fjölskyldur

Foreldrafræðsla og uppeldisráðgjöf

Foreldrum, forsjáraðilum og vistunaraðilum er leiðbeint við að tryggja þroskavænleg skilyrði fyrir uppeldi og aðbúnað barna. Allur stuðningur miðar að því að mæta mismunandi þörfum foreldra og valdefla þá í hlutverki sínu. 

Hópastarf fyrir 6–18 ára

Markmið hópastarfs er að rjúfa félagslega einangrun, styrkja lífsleikni og samfélagsþátttöku og auka sjálfshjálp. Hluti af starfinu er að kynna skipulagt tómstundastarf í Reykjanesbæ.

Lögð er áhersla á félagsfærni, að kenna barni að vera í hópi og efla sjálfstraust og jákvæð samskipti.

Einstaklingsstarf fyrir 6–18 ára

Markmið með einstaklingsstarfi er að rjúfa félagslega einangrun, efla lífsleikni, samfélagsþátttöku og efla börn til aukinnar sjálfshjálpar. Starfið er í allt að 12 klukkustundir á mánuði.

Stuðningsfjölskylda fyrir 0–18 ára

Markmið með stuðningsfjölskyldu er styðja foreldra í foreldrahlutverki sínu, veita þeim hvíld og/eða styrkja stuðningsnet barns.

Þau sem eru orðin 18 ára og búa hjá foreldrum geta fengið áframhaldandi stuðningsfjölskyldu á meðan beðið er eftir öðrum stuðningi.

Sækja um að gerast stuðningsforeldri

Reglur um stuðning við börn og fjölskyldur

Skammtímadvöl fyrir 0–18 ára

Skammtímadvöl er tímabundin dvöl utan heimilis til að létta álagi af fjölskyldum og veita börnum og ungmennum með langvarandi stuðningsþörf tilbreytingu. Dvölin getur verið allt frá hluta úr degi til 15 sólahringa á mánuði. Algengur dvalartími er 2 sólarhringar á mánuði. Þjónustan er ókeypis en börn taka með sér vasapening.

Sameiginleg skammtímadvöl fyrir sveitarfélögin á Suðurnesjum er í Heiðarholti 14–16 í Garði, Suðurnesjabæ.

Þau sem eru orðin 18 ára og búa hjá foreldrum geta fengið áframhaldandi stuðningsfjölskyldu á meðan beðið er eftir öðrum stuðningi.

Skólaakstur fatlaðra barna

Börn í grunn og framhaldsskóla með langvarandi stuðningsþarfir sem geta ekki ferðast með strætó eiga rétt á skólaakstri á skólatíma (samkvæmt mati á stuðningsþörf).

Þjónustan er fyrir ferðir innan Reykjanesbæjar í og úr skóla eða í stoðþjónustu, til dæmis talþjálfun og sjúkraþjálfun, eða vegna tómstunda. Ársgjaldið er 2.000 krónur.

Skjólið – Frístund fyrir börn og ungmenni með langvarandi stuðningsþarfir í 5.–10. bekk og framhaldsskóla

Skjólið er vetrarfrístund fyrir börn og ungmenni með langvarandi stuðningsþarfir í 5.–10. bekk og í framhaldsskóla og fer fram eftir að hefðbundnum skóladegi er lokið. Skjólið er opið alla virka daga, nema á lögbundnum frídögum, þá er lokað.

Skjólið er í 88 húsinu, Hafnargötu 88. Til að fá meiri upplýsingar geturðu sent tölvupóst á skjolid@reykjanesbaer.is

Kostnaður

Gjald fyrir Skjólið má finna í gjaldskrá, undir Frístundaskóli og Skólamatur.

Sækja um í Skjólinu

Fyrsta skrefið er að bóka viðtal hjá ráðgjafa á velferðarsviði, með því að:

• hringja í þjónustuver í síma 421 6700
• bóka viðtal á vefnum
• senda tölvupóst á reykjanesbaer@reykjanesbaer.is

Ævintýrasmiðja - Sumarfrístund

Ævintýrasmiðja er sumarfrístund fyrir börn og ungmenni á grunnskólaaldri með langvarandi stuðningsþarfir. Ævintýrasmiðjur hefjast í lok skólaárs og eru opnar í 7– 8 vikur, alla virka daga frá 08:00–16:00. Barn getur tekið þátt í allt að 6 vikur. Vikan kostar 11.000 krónur.

Fjölbreytt og skemmtileg dagskrá er í boði, meðal annars er farið í vettvangsferðir, sund og söfn.

Þú sækir um í Ævintýrasmiðju á frístundavefnum Völu.