Hefur þig dreymt um að koma fram í Hljómahöll?

Hljómahöll og Reykjanesbær auglýsa eftir umsóknum um styrki til viðburðahalds í Hljómahöll fyrir upprennandi listamenn á komandi starfsári 2025-2026.

Markhópur

• Styrkirnir eru ætlaðir upprennandi listafólki og hópum. Aðrir styrkhæfir viðburðir eru góðgerðarviðburðir og viðburðir sem ætlaðir eru börnum eða eldri borgurum þar sem er enginn aðgangseyrir.

Markmið verkefnisins

• Auka aðgengi hópa að viðburðahaldi í sviðslistum í sölum Hljómahallar sem myndu annars ekki eiga kost á viðburðahaldi í húsinu.
• Styðja við að fjölbreyttur hópur listafólks fái tækifæri til að koma fram í Hljómahöll.
• Auðga menningarlíf í Reykjanesbæ.
• Auka nýtingu á salarkynnum og aðstöðu í Hljómahöll.

Úthlutunarreglur má finna hér.

Umsóknarfrestur er til 11. apríl 2025.

Sækja um styrk