Viðstödd: Kjartan Már Kjartansson bæjarstjóri, Halldóra Fríða Þorvaldsdóttir formaður bæjarráðs, Guðlaugur H. Sigurjónsson sviðsstjóri umhverfis- og framkvæmdasviðs, Helgi Arnarson sviðsstjóri menntasviðs, Halldóra G. Jónsdóttir sviðsstjóri menningar- og þjónustusviðs, Hera Ósk Einarsdóttir sviðsstjóri velferðarsviðs, Einar Snorrason umsjónarmaður fasteigna, Kristrún Björgvinsdóttir markaðs- og kynningarfulltrúi og Íris Eysteinsdóttir ritari.
Hvað gekk vel?
- Í heildina tókst vel til.
- Fyrirsjáanleiki í veðurspám gerði það að verkum að hægt var að taka ákvarðanir fyrr en oft hefur það verið gert að morgni sama dags.
- Horft var til viðbragðsáætlunar Almannavarna.
- Spáin gekk nokkuð vel eftir.
- Upplýsingar um lokanir voru settar út á samfélagsmiðla.
- Aðstandendur barna og fullorðinna tóku mjög vel í allar ákvarðanir um að senda fólk fyrr heim.
Hvað hefði mátt ganga betur?
- Skilaboðin sem fóru á milli stjórnenda náðu ekki inn í allan stjórnendahópinn.
- Það hefði þurft að kalla til fundar neyðarstjórnar og ákveða þannig hvað skyldi gera.
- Svona tilkynningar þarf að gefa miðlægt, þ.e. af neyðarstjórn en ekki ákvörðun sem tekin er af forstöðumönnum eða sviðsstjórum.
- Upplýsingar um lokanir hefðu mátt fara inn á vef Reykjanesbæjar líka.
Hvað getum við lært?
- Mikilvægt er að kalla til fundar neyðarstjórnar.
- Mikilvægt er að allir fái sömu skilaboðin.
- Gera þarf viðbragðsáætlun sem viðkemur viðkvæmustu skjólstæðingum velferðarsviðs og er sú vinna hafin.
- Athugasemd kom frá heimahjúkrun HSS að við skyldum loka dagdvölinni og fara fram á að heimahjúkrun færi og heimsótti þjónustuþega dagdvalarinnar.
- Rætt var um mikilvægi þess að hafa starfsfólk í öllum stofnunum til að geta tekið á móti börnum þar sem t.d. foreldrar hafi ekki fengið mikilvæg skilaboð og að
fylgjast með hvort upp komi leki eða aðrar skemmdir á húsnæðinu.
Þurfum við að breyta einhverju og þá hverju?
- Neyðarstjórn hefði átti að kalla til fundar sem var ekki gert.
- Tekin var ákvörðun að þegar veðurviðvörun verður rauð þá verður stofnunum lokað.
- Eiga til skriflegt plan hvað skal gera í appelsínugulum og rauðum veðurviðvörunum.
- Taka þarf tillit til úrkomu, hitastigs, færðar og vinds.
Fylgigögn:
Áhrifafylki Veðurstofu Íslands
Viðbragðsáætlun vegna röskunar á skóla- og frístundastarfi
Erindi frá verkefnastjóra í neyðarvarnateymi Rauða kross Íslands lagt fram. Þar er óskað eftir að fá að kynna verkefnið Viðnámsþróttur Suðurnesja.
Í stuttu máli snýst verkefnið um að auka viðnámsþrótt á Suðurnesjum með áherslu á að auka seiglu fólks í samfélaginu þegar kemur að hamförum.
Neyðarstjórn samþykkir að fá kynningu frá neyðarvarnarteymi Rauða Kross Íslands.
Fleira ekki gert og fundi slitið kl. 15.46
Tjarnargötu 12 | 230 Reykjanesbæ | Sími: 421 6700
reykjanesbaer@reykjanesbaer.is | Kt. 470794-2169
Opnunartími: kl. 9:00 – 15:00 mán.-fös.
