293. fundur

06.05.2022 08:15

293. fundur umhverfis- og skipulagsráðs Reykjanesbæjar var haldinn að Tjarnargötu 12 þann 6. maí 2022 kl. 08:15

Viðstaddir: Eysteinn Eyjólfsson formaður, Helga María Finnbjörnsdóttir, Gunnar Felix Rúnarsson, Ríkharður Ibsen og Róbert J. Guðmundsson.

Að auki sátu fundinn Guðlaugur H. Sigurjónsson sviðsstjóri umhverfissviðs, Gunnar K. Ottósson skipulagsfulltrúi, Sveinn Björnsson byggingarfulltrúi, Maríanna Hvanndal Einarsdóttir sérfræðingur, Margrét Norðfjörð Karlsdóttir fulltrúi ungmennaráðs, Ólafur Bergur Ólafsson umsjónarmaður ungmennaráðs og Aðalheiður Ósk Gunnarsdóttir ritari.

1. Afgreiðslu- og samráðsfundur byggingafulltrúa nr. 327 (2022010016)

Lögð fram til kynningar fundargerð afgreiðslu- og samráðsfundar byggingarfulltrúa nr. 327, dags. 26. apríl 2022 í 8 liðum með fullnaðarafgreiðslum erinda.

Fylgigögn:

Fundargerð 327. afgreiðslu- og samráðsfundar byggingarfulltrúa

2. Mælaborð umhverfissviðs (2022030842)

Guðlaugur H. Sigurjónsson sviðsstjóri umhverfissviðs fór yfir mælaborð sviðsins.

3. Tillaga að deiliskipulagi Vatnsness – Hrannargata 2-4 (2019100209)

Deiliskipulagstillagan gerir ráð fyrir 339 íbúðum í 5-6 hæða húsum og sameiningu lóða í samræmi við uppdrætti JeES arkitekta ehf. dags. 8. apríl 2022. Á 237. fundi umhverfis- og skipulagsráðs var veitt heimild til þess að vinna deiliskipulagstillögu í samvinnu við skipulagsfulltrúa með þeim fyrirvara að aðalskipulag Reykjanesbæjar er í endurskoðun.

Ráðið veitir heimild til að auglýsa deiliskipulagstillöguna. Haldinn verði kynningarfundur á skipulagstímabilinu.

Fylgigögn:

Deiliskipulagstillaga, Vatnsnes - Hrannargata 2-4

4. Sóltún 12 - bílskúr (2022040235)

Samúel U. Sindrason sækir um heimild til að byggja bílskúr á lóðinni Sóltún 12 sbr. uppdrátt Verkfræðistofu Suðurnesja ehf. dags. 5. apríl 2022. Meðfylgjandi er samþykki nágranna.

Samþykkt með fyrirvara um grenndarkynningu án athugasemda skv. 44. grein skipulagslaga málsgrein 2.

Umhverfis- og skipulagsráð heimilar að stytta tímabil grenndarkynningar ef þeir sem hagsmuna eiga að gæta, skv. 44. grein skipulagslaga málsgrein 3. hafa lýst skriflega yfir með áritun sinni á kynningargögn áður en fjórar vikur eru liðnar að þeir geri ekki athugasemdir við skipulagstillöguna eða hina leyfisskyldu framkvæmd.

Fylgigögn:

Sóltún 12 - teikningar

5. Valhallarbraut 741 (2022040361)

Heimstaden ehf. sækir um fjölgun um tvær smáíbúðir og fjölgun bílastæða sbr. uppdrætti OMR verkfræðistofu ehf. dags. 4. apríl 2022. Fjölbýlishús með 46 smáíbúðum, bílastæðahlutfall er 1,4.

Erindi frestað.

Fylgigögn:

Valhallarbraut 741 - aðaluppdráttur

6. Keilisbraut 746 (2022040360)

Heimstaden ehf. sækir um fjölgun um tvær smáíbúðir og fjölgun bílastæða sbr. uppdrætti OMR verkfræðistofu ehf. dags. 4. apríl 2022. Fjölbýlishús með 46 smáíbúðum. Keilisbraut 745, 26 íbúðir og 746, 46 íbúðir eru á sameiginlegri lóð. Á lóðinni eru alls 110 bílastæði. Bílastæðahlutfall er 1,5.

Erindi frestað.

Fylgigögn:

Keilisbraut 746 - aðaluppdráttur

7. Guðnýjarbraut 4 - stækkun lóðar (2022050098)

Sylwia Rabiczko og Piotr Zambrzycki óska heimildar til að stækka lóðina Guðnýjarbraut 4 að Stapagötu 20 í samræmi við erindi dags. 26. apríl 2022.

Samþykkt að senda í grenndarkynningu skv. 44. grein skipulagslaga, málsgrein 2.

Fylgigögn:

Guðnýjarbraut 4 - erindi um stækkun lóðar

8. Efstaleiti 20 - fyrirspurn um lóðarstækkun (2022050099)

Jón V. Viðarsson og Ásta K. Victorsdóttir óska eftir lóðarstækkun um 320m2 sbr. erindi dags. 29. apríl 2022.

Vel er tekið í erindið en samræma þarf lóðamörk Efstaleitis 22 og skoða þarf betur lóðamörk við Skólaveg. Erindi frestað.

Fylgigögn:

Efstaleiti 20 - fyrirspurn um lóðarstækkun

9. Borgarvegur 12 – bílskúr (2022050108)

Ingibergur Þorgeirsson óskar heimildar til að rífa núverandi 30m2 bílskúr og reisa annan 70m2 á sama stað. Hámarkshæð verður 3,25 m.

Samþykkt með fyrirvara um grenndarkynningu án athugasemda skv. 44. grein skipulagslaga málsgrein 2.

Fylgigögn:

Borgarvegur 12 - teikning

10. Umsókn um lóðir að Tjarnabraut 26-40 (2022050109)

Trönudalur ehf. óskar eftir að fá úthlutað öllum lóðum að Tjarnabraut 26, 28, 30, 32, 34, 36, 38 og 40 með erindi dags. 13. apríl 2022.

Samkvæmt reglum um lóðaveitingar í Reykjanesbæ dags. 18. apríl 2017 gr. 3.1.3 skulu einstaklingar njóta forgangs við úthlutun þessara lóða. Fram hafa komið fjölmargar umsóknir einstaklinga um þessar lóðir. Erindi hafnað.

Fylgigögn:

Umsókn um lóðir að Tjarnabraut 26-40

11. Grænás - fyrirspurn um lóð (2022030449)

Þórukot ehf. óskar eftir því við umhverfis- og skipulagsráð Reykjanesbæjar að félaginu verði veittur þróunar- og forleiguréttur á hluta skipulagssvæðisins sem nefnt er ÍB10 í aðalskipulagi Reykjanesbæjar, sjá meðfylgjandi fylgiskjal, merkt fylgiskjal #1 frá Glóru ehf. dags. 25. febrúar 2022. Erindi frestað á fundi umhverfis- og skipulagsráðs nr. 290.

Erindið samræmist ekki reglum um lóðaveitingar í Reykjanesbæ. Svæðið er innan íbúðasvæðis ÍB-10 í endurskoðuðu aðalskipulagi. Á því svæði er ekki gert ráð fyrir fjölgun íbúða. Erindi hafnað.

Fylgigögn:

Þróun og skipulag ÍB10 - erindi frá Þórukoti ehf.

12. CarbFix - rannsóknarverkefni (2020070219)

CarbFix ohf. óskar eftir afnotum af lóð við Berghólabraut 3 en einnig að nýta sjótökuholu sem liggur innan Berghólabrautar 1A. Carbfix ohf. áformar borun á rannsóknarholum til niðurdælingar og vöktunar á koldíoxíði. Heimildin nái til allt að tveggja ára, en þá verði verkefnið metið og ákvörðun tekin um hvort óskað verður eftir varanlegri lóðaúthlutun.

Erindi um afnot af lóð og tveggja ára forgangur um úthlutun lóðarinnar er samþykkt. Nýting lóðarinnar skal vera sveitarfélaginu að kostnaðarlausu nema um verði samið sérstaklega.

Fylgigögn:

Erindi frá CarbFix ohf. - umsókn um afnot af landi

13. Markaðsstefna Reykjanesbæjar - drög til umsagnar (2021110284)

Menningar- og atvinnuráð óskar eftir umsögn ráða og nefnda Reykjanesbæjar um drög að markaðsstefnu Reykjanesbæjar.

Lagt fram. Málinu er frestað til næsta fundar.

14. Breyting á aðalskipulagi Grindavíkurbæjar 2018-2032 – skipulagslýsing (2021060053)

Bæjarstjórn samþykkti á fundi þann 29. mars 2022 að auglýsa á nýjan leik tillögu að breyttu aðalskipulagi Grindavíkurbæjar 2018-2032. Ástæðan fyrir því að tillagan er auglýst aftur er að íþróttasvæðið hefur stækkað um 20 ha. frá áður auglýstri tillögu. Berist ekki ný umsögn frá þeim er sendu umsögn við fyrri tillögu er litið svo á að sú umsögn gildi.

Fyrri umsögn afgreidd á 283. fundi umhverfis- og skipulagsráðs stendur óbreytt.

Fylgigögn:

Breyting á aðalskipulagi Grindavíkurbæjar 2018-2032 - beiðni um umsögn

15. Urðarás 11 – umsókn um lóð (2022040260)

Friðrik P. Ragnarsson sækir um lóðina Urðarás 11.

Lóðaúthlutun samþykkt.

Fylgigögn:

Urðarás 11 - umsókn um lóð

16. Völuás 3 - umsókn um lóð (2022040801)

Þorsteinn Stefánsson sækir um lóðina Völuás 3.

Lóðaúthlutun samþykkt.

Fylgigögn:

Völuás 3 - umsókn um lóð

17. Völuás 13 - umsókn um lóð (2022040800)

Þorsteinn Stefánsson sækir um lóðina Völuás 13.

Lóðaúthlutun samþykkt.

Fylgigögn:

Völuás 13 - umsókn um lóð