Næsta laugardag, 12. júní klukkan 13, verður mikið um dýrðir í Duus Safnahúsinu þegar Listasafn Reykjanesbæjar og Byggðasafn Reykjanesbæjar opna sumarsýningar sínar og íbúum er velkomið að heimsækja og taka þátt í þessum viðburði.

Steingrímur Eyfjörð í Listasafninu

Listasafn Reykjanesbæjar opnar stóra einkasýningu á verkum eftir Steingrím Eyfjörð (f. 1954) sem eru sambland af eldri og nýrri verkum og ber sýningin yfirskriftina Tegundagreining. Sýningin er tilraun listamannsins til að útskýra kveikjuna að sjónrænni sköpun. Steingrímur hefur verið virkur listamaður síðan á áttunda áratug síðustu aldar og í verkum sínum hefur hann unnið með margvíslegan fjölmiðil og fjölbreytt og ólík efni. Steingrímur hefur haldið fjölda einkasýninga síðan 1977 auk þess sem hann hefur verið valinn til þátttöku í fjölda samsýninga bæði hérlendis og erlendis. Þar á meðal er viðamikil sýning á verkum hans í Listasafni Íslands árið 2006. Steingrímur var fulltrúi Íslands á Feneyjatvíæringnum árið 2007. Árið 2017 hlaut hann titilinn bæjarlistamaður Hafnarfjarðar.

Saga Kaupfélags Suðurnesja

Í tilefni af 75 ára afmæli Kaupfélags Suðurnesja verður opnuð sýning í Stofunni í Duus Safnahúsinu 12. júní klukkan 13 í samvinnu við Byggðasafn Reykjanesbæjar og Kaupfélag. Hluti sýningarinnar verður staðsettur utandyra á móti Duus Safnahúsinu. Sýningin samanstendur af ljósmyndum og munum úr sögu Kaupfélagsins.

Sýning Listasafnsins stendur til 22. ágúst en sýning Byggðasafnsins stendur lengur. Duus Safnahús er ókeypis í sumar, svo leggðu leið þangað með gestum og gangandi.