Þú getur notað Google til að þýða þessa vefsíðu. Við tökum enga ábyrgð á nákvæmni þýðingarinnar. Þjónustan notar vafrakökur til þess að bæta upplifun notenda.
Svæðisskipulagsnefnd Suðurnesja auglýsir tillögu að breytingu á Svæðisskipulagi Suðurnesja 2008-2024 ásamt umhverfisskýrslu sbr. 27. gr. skipulagslaga nr. 123/2010 og 7. gr. laga um umhverfismat áætlana nr. 105/2006.
Breytingartillagan felur í sér breytta afmörkun á vatnsverndarsvæðis í Reykjanesbæ, uppfærð flugbrautarkerfi Keflavíkurflugvallar og uppfært vatnsverndarkort fyrir Suðurnesin.
Breytingartillagan ásamt umhverfisskýrslu og vatnsverndarkorti fyrir Suðurnesin verður aðgengileg á vef Sambands sveitarfélaga á Suðurnesjum (SSS) frá 29. júlí til 16. september 2019.
Skoða svæðisskipulagið á vef SSS
Breytingartillagan verður til sýnis frá 29. júlí nk. til 16. september 2019 á skrifstofu sambandsins, Skógarbraut 945, 262 Reykjanesbæ og á skrifstofum Reykjanesbæjar, Grindavíkurbæjar, Sveitarfélagsins Voga og Suðurnesjabæjar. Jafnframt verður breytingartillagan til sýnis hjá Skipulagsstofnun Borgartúni 7b í Reykjavík, á kynningartímanum.
Skriflegar ábendingar og athugasemdir við tillöguna skal senda til skrifstofu SSS, eða á netfangið sss@sss.is. Þær þurfa að berast fyrir 16. september 2019.
Svæðisskipulagsnefnd Suðurnesja
Ólafur Þór Ólafsson, formaður
Tjarnargötu 12 | 230 Reykjanesbæ | Sími: 421 6700
reykjanesbaer@reykjanesbaer.is | Kt. 470794-2169
Opnunartími: kl. 9:00 – 15:00 mán.-fös.
