Jón Haukur Hafsteinsson hefur verið ráðinn aðstoðarskólastjóri með sérhæfingu á grunnskólastigi í Stapaskóla.

Jón Haukur lauk B.Sc. í íþróttafræði frá Kennslufræði- og lýðheilsudeild Háskólans í Reykjavík árið 2009. Hann er með kennsluréttindi á grunn- og framhaldsskólastigi auk þess sem hann hefur lokið viðbótardiplómu í Stjórnun menntastofnana frá Háskóla Íslands árið 2015.

Jón Haukur hefur starfað í Háaleitisskóla í Reykjanesbæ frá árinu 2009 m.a. sem íþróttakennari, forstöðumaður sérdeildar Goðheima og í þrjú ár sem aðstoðarskólastjóri.

Við bjóðum Jón Hauk velkominn til starfa á nýjum vettvangi innan sveitarfélagsins.