89 nemendur útskrifast frá Keili í dag, föstudaginn 24. febrúar, og hafa þá rúmlega þúsund nemendur útskrifast frá stofnun Keilis í maí 2007.

Athöfnin fer fram við hátíðlega athöfn í Andrews leikhúsinu á Ásbrú kl. 15:00. Valdimar Guðmundsson og Högni Þorsteinsson flytja tónlistaratriði og Árni Sigfússon, stjórnarformaður Keilis flytur ávarp. Útskrifaðir verða 89 nemendur úr Háskólabrú, Flugakademíunni og Íþróttaakademíu Keilis. Eftir athöfnina munu 1.022 nemendur hafa útskrifast frá Keili, þar af rúmlega helmingur eða 604 af Háskólabrú.

Opnað hefur verið fyrir umsóknir hjá Keili fyrir haustönn 2012 og er hægt að nálgast allar upplýsingar um námsframboð á www.keilir.net