Sálfræðingar skólaþjónustu halda námskeið fyrir foreldra barna sem hafa hamlandi einkenni ofvirkni og/eða athyglisbrest (ADHD) samkvæmt formlegri skimun eða fullnaðargreiningu. Efni námskeiðsins hentar best fyrir foreldra barna á aldrinum 5-12 ára, sem ekki hafa margar eða flóknar fylgiraskanir.  Kennsla fer fram  á mánudögum  á tímabilinu 29. janúar til 12. mars kl. 17:00 - 19:00, að 5. mars undanskildum. 

Tilgangur námskeiðsins er að fræða foreldra um áhrif ADHD á tilveru barna og styðja þá í að tileinka sér uppeldisaðferðir sem henta börnum með ADHD. Foreldrar skoða núverandi stöðu, gera áætlanir og framfylgja þeim til að taka á eða fyrirbyggja ýmsan vanda sem algengt er að upp komi. Markmiðið er að foreldrar læri hagnýtar og sannreyndar aðferðir sem nýtast þeim til lengri tíma. 

Námskeiðið er haldið í Fjölskyldusetrinu Skólavegi 1 og eru leiðbeinendur Einar Trausti Einarsson og Kristín Guðrún Reynisdóttir sálfræðingar.

Sálfræðingar hjá skólaþjónustu sjá um skráningu á námskeiðið. Hægt er að hafa samband við þá og óska eftir skráningu á námskeiðið í síma 421-6700 eða með því að senda tölvupóst á netfangið einar.t.einarsson@reykjanesbaer.is

Námskeiðið er niðurgreitt að stærstum hluta af skólaþjónustu. Par: 10.000 kr. / Einstaklingur: 8.000 kr. 
Greiða þarf 5.000 kr staðfestingar-gjald fyrir 25. janúar. Hægt er að greiða í þjónustuveri Reykjanesbæjar eða með því að millifæra á reikning nr. 121-26-1 kt. 470794-2169, með skýringunni: Uppeldi barna með ADHD. Kvittun greiðslu skal senda á netfangið einar.t.einarsson@reykjanesbaer.is

Hér má nálgast nánari upplýsingar um foreldrafærninámskeið sem Reykjanesbæ býður upp á