Þú getur notað Google til að þýða þessa vefsíðu. Við tökum enga ábyrgð á nákvæmni þýðingarinnar. Þjónustan notar vafrakökur til þess að bæta upplifun notenda.
Umsóknarfrestur hefur verið framlengdur til 18. febrúar vegna raskana sem orðið hafa vegna heitavatnsleysis.
Auglýst er eftir umsóknum um tvenns konar styrki sjóðsins. Annars vegar er um að ræða þjónustusamninga við menningarhópa og hins vegar verkefnastyrki til menningartengdra verkefna. Umsóknum þarf að skila rafrænt í síðasta lagi 11. febrúar nk. í gegnum Mitt Reykjanes. Eftir innskráningu er smellt á Umsóknir á forsíðu og svo á viðeigandi umsókn undir Stjórnsýsla – Menningarmál.
Ákveðnu fjármagni verður varið í þjónustusamninga við menningarhópa í bæjarfélaginu árið 2024 eins og verið hefur. Um ýmiss konar þjónustu af hálfu menningarhópanna getur verið að ræða, s.s. þátttöku í viðburðum, námskeiðahald o.fl. í þeim dúr gegn ákveðinni greiðslu.
Hópar sem þegar eru með þjónustusamninga eru beðnir um að skila samantekt um starfsemi liðins starfsárs með umsókn sem rökstuðningi fyrir endurnýjun samnings.
Ákveðnu fjármagni verður varið í ýmis menningartengd verkefni á árinu 2024 sem miða að því að efla menningarlíf í Reykjanesbæ með fjölbreyttum hætti. Í umsókn þarf að koma fram greinargóð lýsing á verkefni og kostnaðaráætlun. Einstaklingar, hópar eða félagasamtök geta sótt um.
Nánari upplýsingar eru veittar í þjónustuveri Reykjanesbæjar í síma 421 6700 eða í gegnum netfangið menning@reykjanesbaer.is
Tjarnargötu 12 | 230 Reykjanesbæ | Sími: 421 6700
reykjanesbaer@reykjanesbaer.is | Kt. 470794-2169
Opnunartími: kl. 9:00 – 15:00 mán.-fös.
