Börn og ungmenni í Reykjanesbæ gróðursettu sína óskaBAUN í tilefni af BAUN, Barna- og ungmennahátíð í Reykjanesbæ. Allir fengu miða, úr umhverfisvænum efnivið, til að skrifa niður sína ósk sem var gróðursett samhliða tréi. Samtals voru gróðursettar um 350 óskaBAUNir. Gróðursetning fór fram við matjurtagarða í Njarðvíkurskógum.
Hugmynd að óskaBAUN kom frá barni í hugmyndaöflun sem fór fram í aðdraganda BAUNar. Reykjanesbær stendur í innleiðingaferli á barnvænu samfélagi og styður gróðursetning óskaBAUNar við það. Virðing fyrir skoðunum barna og þátttaka barna eru hluti af grunnþáttum í barnvænu samfélagi.
![](/static/files/_blob/uapb0h8b17z3ylq0qy28j.jpg)
![](/static/files/_blob/ok4u6fkeizydkhsjmu2ug.jpg)
![](/static/files/_blob/0ve3g4q2chlkc1949rrkmk7.jpg)
![](/static/files/_blob/1vjnqf9vdiwww902foalxn.jpg)